गुरुवर्य कवठेमहांकाळ

🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳
✨⚡⚡ *गुरुवर्य ग्रुप* ⚡⚡✨

📃  *आजची प्रेरणादायी पोस्ट*  📜

*भाग* - 4⃣1⃣1⃣

*गणपती मंडळाचे शिक्षणासाठी ७.५६ कोटी*

Maharashtra Times | Updated Oct 9, 2017

साभार ~ मुंबई मिरर । मुंबई

गोरगरीब, गरजवंत मुलांना शाळा अर्ध्यावर सोडण्याची गरज नाही. त्यांच्या मदतीला थेट गणपती बाप्पाच धावून आला आहे. राज्यातील गणपती मंडळांनी यासाठी पुढाकार घेतला असून धर्मादाय आयुक्तालयाला ७.५६ कोटी रुपये दिले आहेत. गणपती मंडळांनी दिलेल्या या पैशाचा वापर गरजू मुलांच्या शिक्षणासाठी करण्यात येणार आहे.
राज्यातील गरजवंत मुलांच्या शिक्षणासाठी गणपती मंडळांनी एकूण मिळकतीमधील १० टक्के रक्कम आर्थिक मदत म्हणून द्यावी, असे आवाहन धर्मादाय आयुक्त शिवकुमार डिगे यांनी केले होते. डिगे यांच्या आवाहनाला गणपती मंडळानं सकारात्मक प्रतिसाद दिला. 'लालबागचा राजा' सार्वजनिक गणपती मंडळाने ४ कोटी रुपये आणि पुण्याच्या दगडूशेठ हलवाई गणपती मंडळाने १.६२ कोटी रुपये आयुक्तांकडं सुपूर्द केले आहेत. आतापर्यंत आयुक्तालयाकडं ७.५६ कोटी रुपये जमा झाले आहेत. हे सर्व पैसे मुलांच्या शिक्षणासाठी खर्च केले जाणार आहेत.

शिक्षण, आरोग्यासोबतच सणांच्या दिवसात शहरातील रस्ते खड्डेमुक्त करण्यासाठी मंडळानं पुढाकार घ्यावा, या आवाहनालाही गणपती मंडळानं चांगला प्रतिसाद दिला. संपूर्ण राज्यात १०,३८४ खड्डे गणपती मंडळाच्या सहकार्याने बुजवण्यात आले, अशी माहिती डिगे यांनी दिली. समाजात चांगलं काम करण्यासाठी आम्ही नेहमीच तत्पर असतो. यावेळी धर्मादाय आयुक्तांनी हा विचार आमच्यासमोर मांडला व त्याला आम्ही तात्काळ अनुमती दिली. आम्ही लोकांकडून पैसा जमा करतो. ते लोकांच्या कल्याणासाठी वापरतो, असे 'लालबागचा राजा' गणपती मंडळाचे सचिव सुधीर साळवी यांनी सांगितलं. तर चांगल्या कामासाठी आमचा नेहमीच पुढाकार राहिला आहे. पुण्यात जवळपास ५०० वंचित विद्यार्थी वेगवेगळ्या शाळांमध्ये चॅरिटीतून मिळणाऱ्या पैशांतून शिक्षण पूर्ण करीत आहोत, असं दगडूशेट हलवाई गणपती मंडळाचे उपाध्यक्ष महेश सूर्यवंशी यांनी सांगितलं.

📚📕📗📘📙📔📒📚

*संकलन -* 
_*गुरुवर्य ग्रुप कवठेमहांकाळ सांगली*_

🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳
✨⚡⚡ *गुरुवर्य ग्रुप* ⚡⚡✨

🍍🍅 *आरोग्य-MANTRA*  🍋🍉

*भाग -*  2⃣9⃣0⃣

*पित्ताशयातले खडे...*

*_डॉ. अविनाश सुपे, अधिष्ठाता, केईएम हॉस्पिटल_*

आपल्या देशातील १२० कोटी लोकसंख्येच्या १५% व्यक्तींना त्यांच्या आयुष्यात पित्ताशयामध्ये खडे होतात. परंतु चांगली गोष्ट म्हणजे त्यातील फक्त ३% व्यक्तींना त्याचा त्रास होतो.
हल्ली बऱ्याचदा असे रुग्ण येतात की त्यांनी इतर कारणांसाठी पोटाची सोनोग्राफी केली आहे. त्यांच्या पित्ताशयामध्ये खडे आहेत असं निदान केलं जातं. आपल्या देशातील १२० कोटी लोकसंख्येच्या १५% व्यक्तींना त्यांच्या आयुष्यात पित्ताशयामध्ये खडे होतात. परंतु चांगली गोष्ट म्हणजे त्यातील फक्त ३% व्यक्तींना त्याचा त्रास होतो.
आहारात स्निग्ध पदार्थांचं प्रमाण (Oily food) जास्त झालं किंवा तंतूमय पदार्थांच (fibre) प्रमाण कमी झालं तर पित्तरसाची घनता वाढते व पित्ताशयात छोटे-छोटे खडे तयार होतात. हे खडे तीन प्रकारचे असतात

१. कोलेस्टेरोल (Cholesterol)

२. pigment (बिलीरुबीनचे घटक)

३. मिश्र ७०-८० टक्के रुग्णांमध्ये ते मिश्र असतात.

अगदी लहान खडे पित्तनलिकेवाटे पित्तरसाबरोबर लहान आतड्यात निघून जातात. पण जर त्यांचा आकार मोठा असेल तर ते पित्ताशयाच्या व पित्तनलिकेच्या अरुंद ठिकाणी अडकून राहतात व पित्ताशयाला सूज येऊन जंतूचा प्रादूर्भाव होतो.
वैद्यकशास्त्रामध्ये पित्ताशयातील खडे हे ‘Fat, Fertile, Female of Forty (म्हणजे स्थूल देहाची चाळीशीतील महिलांमध्ये) जास्त प्रमाणात असं शिकवलं जातं. पुरुषांपेक्षा स्त्रियांमध्ये याचं प्रमाण सहापटींनी जास्त असते. पाश्चात्य देशात व उत्तर भारतामध्ये याचं प्रमाण जास्त आहे. त्यांचा आहार, स्थूल शरीर, जाडेपणा, अतिस्थूलपणा, अति तूपकट, तेलकट खाणं, आहारात तंतूमय पदार्थ न घेणं, बैठी काम करणं, व्यायामाचा अभाव, वरचेवर फास्ट फूड किंवा जंक फूड असणं, या सर्व गोष्टी पित्ताशयात खडे तयार होण्यासाठी मदत करतात. त्यामुळे गेल्या दोन-तीन दशकात भारतातही याचं प्रमाण वाढत आहे. हल्ली खडे सर्व वयाच्या पुरुषांमध्ये, स्त्रियांमध्ये व लहान मुलांमध्येसुद्धा आढळतात.
सुरुवातीची लक्षणं अॅसिडीटीच्या त्रासासारखीच असतात. सुरुवातीला पोटाच्या वरच्या भागात थोडंसं उजवीकडे दुखायला लागतं. गॅसेस होतात. मळमळ सुटते, जळजळ होऊ लागते, त्याबरोबरच एखादा खडा पित्तनलिकेत अडकून राहीला तर पित्तरस आतड्यात नेणारा मार्ग अरुंद होतो व पित्तरस यकृतात (लिव्हर) साचू लागतो. त्यातलं बिलीरुबीन हे रंगद्रव्य रक्तात मिसळतं व काविळीची लक्षण दिसू लागतात. याला अवरोधक काविळ (Obstructive Jaundice) असं म्हणतात. पित्तखड्यांमुळे होणाऱ्या काविळीबरोबर अंगाला खाज सुटते. पित्ताशयातील खड्यांमुळे स्वादुपिंडदाहही होऊ शकतो.

*पित्ताशयातील खड्यांचं निदान*

सोनोग्राफी, काही विशिष्ट रक्त तपासणी व एन्डोस्कोपी करुन पित्ताशयातील दोष, अडकलेले खडे, पित्तनलिकेचा आजार इत्यादी गोष्टीविषयी पूर्ण माहिती मिळू शकते.

🍍🍎🍅🍇🍉🍋🍎🍍

*संकलन -* 
_*गुरुवर्य ग्रुप कवठेमहांकाळ सांगली*_

यापूर्वीचे भाग वाचण्यासाठी.....