🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳
✨⚡⚡ *गुरुवर्य ग्रुप* ⚡⚡✨
📃 *आजची प्रेरणादायी पोस्ट* 📜
*भाग* - 5⃣1⃣7⃣
*पुलवामा हल्ला : 'ती' पवित्र माती गोळा करण्यासाठी मराठमोळ्याचा 61 हजार किमी प्रवास*
Last Updated: Feb 14 2020 1:02PM
लेथपारा : पुढारी ऑनलाईन
जम्मू काश्मीरमधील पुलवामा येथे केंद्रीय राखीव पोलिस दलाच्या जवानांवर दहशतवाद्यांनी भ्याड हल्ला केला होता. या हल्ल्यात 40 जवान शहीद झाले होते. या घटनेला आज (दि.14) एक वर्ष पूर्ण झाले. या निमित्ताने काश्मीर मधील लेथपूरा येथील सीआरपीएफ कार्यालयाच्या आवारात शहिदांना मानवंदना देण्याचा कार्यक्रम आयोजित केला होता. या कार्यक्रमाला एक मराठमोळ्या व्यक्तीला विशेष पाहुणा म्हणून आमंत्रित केले होते. या व्यक्तीला विशेष आमंत्रण मिळण्याचे कारणही विशेष आहे. त्याने 40 शहीद जवानांच्या घरातील माती गोळा करण्यासाठी तब्बल 61 हजार किमीचा प्रावास केला आहे.
सध्या बंगळूरुमध्ये स्थायिक असलेल्या मराठमोळा गायक उमेश गोपिचंद जाधव यांना पुलवामा हल्यातील शहीदांना मानवंदना देण्यासाठी लेथपूरा येथील सीआरपीएफ कार्यालयात आयोजित केलेल्या कार्यक्रमाला विशेष पाहुणे म्हणून बोलावण्यात आले होते. उमेश जाधव यांनी भारतभर 61 हजार किमीचा प्रवास केला होता. या प्रवासात त्यांनी पुलवामा हल्ल्यात जे 40 जवान शहीद झाले होते त्यांच्या घरच्यांची भेट घेतली. याचबरोबर त्यांनी त्या शहिदांच्या घरातील माती गोळा केली आहे.
याबाबत बोलताना जाधव म्हणाले, 'मी पुलवामामध्ये शहीद झालेल्या जवानांच्या घरच्यांना भेटून त्यांचा आशीर्वाद घेता आला हे मी माझे भाग्य समजतो त्याचा मला अभिमान आहे. या हल्ल्यात पालकांनी त्यांचा मुलगा, पत्नीने आपला पती, मुलांनी त्याचे वडील तर मित्रांनी त्यांचा मित्र गमावला आहे. मी त्यांच्या घरातील पवित्र माती, अंत्यविधीच्या ठिकाणची माती गोळा केली आहे.'
याचबरोबर त्यांनी 'या कामासाठी मी कोणाकडूनही मदत घेतलेली नाही किंवा याला कोणीही प्रायोजक नाही. माझा असं करण्याचा मुख्य उद्देश हा जवानांप्रती आणि त्यांच्या घरच्यांप्रती आदर व्यक्त करणं हाच होता. मी जवळपास 61 हजार किमीचा प्रवास करुन ही पवित्र माती गोळा केली आहे. हे मातृभूमीसाठी आहे.' अशी प्रतिक्रिया हे काम करण्याची प्रेरणा कोठून मिळाली हे सांगितले.
https://www.pudhari.news/news/National/Umesh-Gopinath-Jadhav-from-Maharashtra-He-took-a-61000-km-long-journey-to-meet-pulwama-attack-martyr/m/
📚📕📗📘📙📔📒📚
*संकलन -*
_*गुरुवर्य ग्रुप कवठेमहांकाळ सांगली*_