गुरुवर्य कवठेमहांकाळ

🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳
✨⚡⚡ *गुरुवर्य ग्रुप* ⚡⚡✨
📃  *आजची प्रेरणादायी पोस्ट*  📜

*भाग* - 5⃣1⃣9⃣

*रतन टाटा भावूक!, शेअर केली सफाई कामगाराच्या मुलाची कविता*

Last Updated: Feb 18 2020 5:24PM

मुंबई : पुढारी ऑनलाईन

टाटा समूहाचे अध्यक्ष रतन टाटा (वय ८२) हे सध्या सोशल मीडियावर चांगलेच ॲक्टीव्ह झाले आहेत. फेसबुक, इन्स्टाग्राम यावर ते सातत्याने आपल्या खासगी आयुष्यातील रंजक गोष्टी शेअर करत आहेत. दरम्यान, रतन टाटा यांनी एका शाळकरी मुलाची हृदयस्पर्शी कहाणी शेअर केली आहे.

काय आहे रतन टाटा यांनी शेअर केलेल्या व्हिडिओत...

ही एक जाहीरात आहे. ज्यामध्ये एक शाळकरी मुलगा वर्गात कविता वाचनाचा कार्यक्रमात भाग घेतो, सर्व मित्र आणि पालक त्याच्यासमोर बसलेले असतात. त्यांच्यासमोर उभा राहिलेला हा गरीब विद्यार्थी आपल्या कविता वाचायला सुरुवात करतो. यात मेरा बाबा देश चलाता है या वाक्यापासून कवितेची सुरुवात होते. उपस्थित पालक, शिक्षक एकमेकांकडे पाहत बसतात.

त्यापुढे जाऊन तो मुलगा सांगतो की, माझे बाबा राजकीय नेते नाहीत, डॉक्टरही नाहीत, पोलिस नाहीत की लष्करात नाहीत. पण, देशातील घाणीशी ते लढतात. घाण साफ करतात. माझ्या वडिलांनी स्वच्छतेचे काम केले नाही तर देश थांबेल, ते जर कामाला गेले नाहीत तर देशातील प्रत्येक घर थांबेल, मुले शाळेत जाणार नाहीत, मंत्री मंत्रालयात जाणार नाहीत, कारण माझे बाबा असे काम करतात जे कोणीच करणार नाही.

एका सफाई कामगाराच्या मुलाने वाचलेली ही कविता सर्वांच्या ह्दयाला स्पर्श करते. कचऱ्याच्या ढिगाऱ्यात, नाल्यात, गटारात जीव धोक्यात घालून तो साफसफाई करत असतो. त्याच्या कामामुळे रोगराई दूर राहण्यास मदत होते. नागरिकांच्या आरोग्याचे संरक्षण होते. देश सुका आणि ओला कचरा वेगळा करत नाही, माझे बाबा त्या कचऱ्यात उतरतात आणि आजारी पडतात, कधी कधी वाटते माझे बाबा आजाराला हरतील, घरी परतणार नाहीत, त्यामुळे माझ्या बाबांना वाचवा. अशा प्रकारची जाहीरात उद्योजन रतन टाटांनी शेअर केली आहे.

यासंदर्भात बोलताना रतन टाटा म्हणाले....

मुंबईत जवळपास सव्वादोन कोटी लोकसंख्या आहे, फक्त ५० हजार सफाई कामगार मुंबई स्वच्छ ठेवण्याचे काम करतात. अनेक धोकादायक स्थितीत त्यांचे काम सुरू असते. मिशन गरीमा अशा लोकांसाठी सुरक्षा, आरोग्यदायी आणि मानवी काम करण्याची परिस्थिती बदलेल, जेणेकरून त्यांना स्वच्छ वाटेल असे त्यांनी म्हटले आहे.

तसेच सफाई कामगारांवर पडणारा ताण कमी करण्यासाठी लोकांनीही कचऱ्याचं वर्गीकरण करायला हवे असे आवाहनही केले आहे.

https://www.pudhari.news/news/Mumbai-Thane-Raigad/no-one-will-do-work-my-father-does-ratan-tata-shared-story-boy/m/

📚📕📗📘📙📔📒📚
*संकलन -*  
_*गुरुवर्य ग्रुप कवठेमहांकाळ सांगली*_