🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳
✨⚡⚡ *गुरुवर्य ग्रुप* ⚡⚡✨
📃 *आजची प्रेरणादायी पोस्ट* 📜
*भाग* - 5⃣1⃣5⃣
*🎥'या' पठ्‌ठ्याने ई-कचऱ्यापासून बनवले ६०० ड्रोन!*
Last Updated: Feb 01 2020 8:03PM
बेंगलोर : पुढारी ऑनलाईन
भारतात नवनवीन गोष्टी शोधणाऱ्यांची कमी नाही. कधी काय शोधून काढतील याचा नेम नाही. कर्नाटकमधील मांड्या येथील प्रताप एनएम नावाच्या तरुणाने अशीच एक गोष्ट शोधून काढली. प्रतापने ई-कचऱ्यापासून ड्रोन तयार केले आहेत. हे ड्रोन लोकांच्या कामासाठीही येतात. वयाच्या १४ व्या वर्षी प्रतापचा ड्रोनशी संबंध आला. यावेळी त्याने ड्रोन खोलायला व दुरुस्त करायला सुरु केली. वयाच्या १६ व्या वर्षी त्याने ई- कचऱ्यामधून ड्रोन तयार केला. जो आकाशात उडत होता आणि फोटो घेत होता. हे सर्व प्रतापने स्वत:च शिकले. यानंतर त्यांनी म्हैसूरच्या जेएसएस कॉलेजमध्ये बीएससी पूर्ण केली.
प्रतापला ड्रोन वैज्ञानिक म्हणूनही ओळखले जाते. त्याने स्वतः ६०० ड्रोन तयार केले आहेत. एवढेच नव्हे तर सीमाप्रश्नासाठी टेलीग्राफी, वाहतूक व्यवस्थापनासाठी ड्रोन तयार करणे, मानवरहित विमान, बचाव कार्यासाठी यूएव्ही, ऑटोपायलट ड्रोन यासह अनेक प्रकल्पांवर त्याने काम केले आहे. त्याने हॅकिंग रोखण्यासाठी ड्रोन नेटवर्किंगमध्ये क्रिप्टोग्राफीवरही काम केले आहे. जेव्हा कर्नाटकला पूर आला होता, तेव्हा त्याच्याद्वारे बनवलेल्या ड्रोनमुळे आपत्ती निवारण कार्यात खूप मदत झाली होती. ड्रोनच्या मदतीने पीडितांना औषधे व भोजन दिले होते.
प्रतापला आतापर्यंत ८७ देशांनी बोलवले आहे. आंतरराष्ट्रीय ड्रोन एक्सपो २०१८ मध्ये त्याला अल्बर्ट आईनस्टाइन इनोव्हेशन गोल्ड मेडल देण्यात आले. २०१७ मध्ये जपानमधील आंतरराष्ट्रीय रोबोटिक्स प्रदर्शनात त्यांना सुवर्ण आणि रौप्य पदक देण्यात आले. त्यांना दहा हजार डॉलर्स इतकी रक्कमही देण्यात आली. प्रतापने आयआयटी बॉम्बे आणि आयआयएससी येथे व्याख्यानही दिले आहे. तो सध्या डीआरडीओच्या प्रकल्पामध्ये कार्यरत आहे.
ड्रोन बनवताना प्रताप कमीत कमी ई-कचरा तयार होईल याचा प्रयत्न करतो. ते तुटलेले ड्रोन, मोटर्स, कॅपेसिटर आणि इतर इलेक्ट्रॉनिक वस्तूंमधून ड्रोन बनवतात. यासह, कमी किंमतीत ड्रोन तयार केले जात नाहीत तर ते पर्यावरणपूरक देखील असल्याचे सिद्ध होत आहे.
https://www.pudhari.news/news/National/this-young-man-made-600-drones-with-the-help-of-e-waste/m/
📚📕📗📘📙📔📒📚
*संकलन -*
_*गुरुवर्य ग्रुप कवठेमहांकाळ सांगली*_