🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳
✨⚡⚡ *गुरुवर्य ग्रुप* ⚡⚡✨
📃 *आजची प्रेरणादायी पोस्ट* 📜
*भाग* -3⃣6⃣5⃣
*२५ शहिदांच्या मुलांचं पालनपोषण करणार गौतम गंभीर*
टाइम्स वृत्त । नवी दिल्ली
छत्तीसगडमधील सुकमा जिल्ह्यातील नक्षलवादी हल्ल्यात शहीद झालेल्या २५ जवानांच्या मुलांच्या पालनपोषणाची संपूर्ण जबाबदारी टीम इंडियाचा शिलेदार आणि कोलकाता नाइट रायडर्सचा कर्णधार गौतम गंभीरनं स्वीकारली आहे. अनेक सामन्यांमध्ये भारताच्या विजयाचा पाया रचणाऱ्या गंभीरचं हे पाऊल नक्कीच आदर्श पायंडा पाडणारं आहे.
प्रत्येक देशभक्त भारतीयाप्रमाणे गौतम गंभीरलाही आपल्या लष्कराबद्दल अतीव आदर आणि अभिमान आहे. भारतीय जवानांना काश्मीरमध्ये झालेली मारहाण आणि 'मानवी ढाल' प्रकरणावेळी त्यानं जवानांची पाठराखण केली होती. स्वाभाविकच, सुकमामधील नक्षली हल्ल्याच्या बातमीनं तो अस्वस्थ झाला. सीआरपीएफच्या २५ जवानांचं हौतात्म्य त्याच्या मनाला चटका लावून गेलं. त्यांना केवळ श्रद्धांजली वाहून, मानवंदना देऊन थांबायचं नाही, तर काहीतरी ठोस मदत करायची, असं त्यानं तेव्हाच ठरवून टाकलं होतं. त्यानुसारच, या २५ शहिदांच्या मुलांचा सगळा खर्च उचलण्याचं गंभीरनं ठरवलं आहे. त्याच्या मीडिया मॅनेजरनं या वृत्ताला दुजोरा दिला.
सुकमा हल्ल्यानंतर झालेल्या सामन्यात कोलकाता नाइट रायडर्सचा संघ काळ्या पट्ट्या लावून मैदानावर उतरला होता. त्यानंतर आता शहिदांच्या मुलांची जबाबदारी स्वीकारून गंभीर आजवरची सगळ्यात सर्वोत्तम इनिंग्ज खेळण्यास सज्ज झालाय. त्याच्या या निर्णयाचं भरभरून कौतुक होतंय.
📚📕📗📘📙📔📒📚
*संकलन -*
_*गुरुवर्य ग्रुप कवठेमहांकाळ सांगली*_